Girmek
Şu gün Türkiýäniň paýtagty Ankarada ýalan maglumatlara garşy göreşmek boýunça türki döwletleriň forumy öz işine başlady.
Foruma Azerbaýjandan, Gazagystandan, Gyrgyzystandan, Türkiýeden, Özbegistandan, Wengriýadan, Türkmenistandan hem-de Demirgazyk Kipr Türk Respublikasyndan wekiller gatnaşýarlar. Bu barada «Report» azerbaýjan saýty habar berýär.
Forumyň maksady türki döwletleriň arasynda hyzmatdaşlygy pugtalandyrmakdan, maglumat ulgamy boýunça ýokary wezipeli ýolbaşçylary, media wekillerini, ylmy jemgyýetiň agzalaryny, kommunikasiýa hünärmenlerini we žurnalistleri bilelikdäki täsirli hyzmatdaşlyk meýdançasynda birleşdirmekden ybaratdyr.
Iki gün dowam etjek forum gatnaşyjy ýurtlaryň žurnalistleriniň tejribe alyşmagyna, bilelikdäki taslamalary durmuşa geçirmäge we hünär hyzmatdaşlygyny giňeltmäge mümkinçilik döredýär diýlip, habarda bellenilýär.