Girmek
Hytaýly kriptomillioner Jastin San 6,2 mln dollara satyn alan banan miwesini iýdi. Bu iýişlik internetde ýerleşdirildi. San banany dişläp, onuň beýlekilerden biraz süýjüdigini aýtdy diýip, «rg.ru» ýazýar.
Gürrüň Maurisio Kattelanyň geň eseri barada barýar, suratkeş adaty banany skotç kagyz bilen diwara ýelmäp, oňa «Komediýaçy» diýip at berdi. Ol bu eserini «sungatyň gymmaty barada oýlanmaga itermek üçin hokga» diýip häsiýetlendirdi.
Eser «Sotheby's» söwda-satyg öýünde satyldy. Suratkeş Kattelanyň «Komediýaçyny» döretmek üçin banany Manhettendäki Ýokary Ist-Saýtda ýerleşýän miwe satylýan dükanjykdan bary-ýogy 1 dollara satyn alandygy habar berilýär.
Haçan-da dükanjygyň satyjysy bananyň näçä satylandygyny eşidende, ömründe şonça pul görmändigini aýdyp, aglady diýlip, habarda bellenýär.