Astrahanda «Serhetsiz Hazar» atly iň gowy žurnalist işi üçin XI bäsleşigi yglan eildi. Her ýylda geçirilýän bäsleşikde şu ýyl aşakdaky ugurlar bar:

• «FotoHazar» (Hazar sebiti ýurtlarynyň ykdysadyýet, ekologiýa, medeniýet, bilim we syýahatçylyk ugurlaryndaky döwletara hyzmatdaşlygy boýunça iň gowy fotosurat);
• «Adam we deňiz» (Hazar deňziniň ekologiýasy meselelerine bagyşlanan iň gowy bäsleşik işi);
• «Hazar deňzi ýurtlaryny açyp» (medeniýet, gözel ýerler we syýahatçylyk meselelerine bagyşlanan iň gowy bäsleşik işi);
• «Hazar deňzi saglyk mekanydyr» (sport we sagdyn durmuş ýörelgelerine bagyşlanan iň gowy bäsleşik işi);
• «Täze garaýyş» (30 ýaşa çenli bäsdeş tarapyndan islendik ugur boýunça iberilen iň gowy bäsleşik işi).

Bäsleşige gatnaşmaga Russiýa Federasiýasynyň, Azerbaýjan Respublikasynyň, Eýran Yslam Respublikasynyň, Gazagystan Respublikasynyň we Türkmenistanyň habar beriş serişdeleri, döredijilik toparlary, birleşikleri we ýazyjylary çagyrylýar. Bäsleşige gatnaşmak isleýänler elektron görnüşindäki arzalaryny 2024-nji ýylyň 1-nji iýulyna çenli kaspcontest@astrobl.ru elektron poçta salgysyna ibermelidir.

Bäsleşige 2023-nji ýylyň 12-nji iýunyndan 2024-nji ýylyň 9-njy iýunyna çenli çap görnüşindäki metbugatda, internet neşirlerinde, telewizion we radio ýaýlymlarynda çykan eserler kabul edilýär. Döredijilik bäsleşiginiň beýleki jikme-jik maglumatlaryny Astrahan sebitiniň döwlet häkimiýetiniň ýerine ýetiriji edaralarynyň portalyndan tapyp bilersiňiz.

Bäsleşigiň netijelerini jemlemek we ýeňijilere sylag gowşurma dabarasy, nobatdaky Hazar metbugat forumynyň çäginde geçiriler.