Angliýanyň «Liwerpul» futbol klubynyň oýunçylary UEFA-nyň Çempionlar ligasynyň umumy tapgyrynyň altynjy duşuşygynda Italiýanyň «Interini» myhmançylykda 1:0 hasabynda ýeňdi. Duşuşyk sişenbe güni Milanyň «Džuzeppe Meassa» stadionynda geçirildi.

Duşuşykdaky ýeke-täk goly «Liwerpulyň» ýarym goragçysy Dominik Soboslai 88-nji minutda penalti urgusyndan geçirdi.

Şol günüň beýleki duşuşyklarynda Germaniýanyň «Bawariýa» kluby öz meýdançasynda Portugaliýanyň «Sportingini» 3:1 hasabynda ýeňdi, Angliýanyň «Çelsi» kluby myhmançylykda Italiýanyň «Atalanta» klubyndan 1:2 hasabynda ýeňildi, «Barselona» Germaniýanyň «Aýntrahtyny» 2:1 hasabynda ýeňdi. Angliýanyň «Tottenhem» kluby öz meýdançasynda Çehiýanyň «Slawiýasyny» 3:0 hasabynda ýeňdi, Fransiýanyň «Marseli» myhmançylykda  Belgiýanyň «Ýunionyny» 3:2 hasabynda utdy.

Ispaniýanyň «Atletiko» kluby myhmançylykda Niderlandlaryň PSW klubyny 3:2 hasabynda ýeňdi. «Monako» öz meýdançasynda Türkiýäniň «Galatasaraýyny» 1:0 hasabynda utdy.

Çempionlar ligasynyň umumy tapgyryna 36 klub gatnaşýar. Toparlaryň ählisi birinji tapgyrda sekiz duşuşyk geçirýär – dördüsini öz meýdançasynda we dördüsini myhmançylykda. Ähli klublar umumy ýaryş tertibinde birleşdirilýär, ilkinji sekizlik awtomatik usulda 1/8 finala çykýar, 9-njy ýerden 24-nji ýere çenli orunlary eýelän toparlar pleý-off tapgyryna çykjak galan klublaryň ykballary özara duşuşyklaryň netijeleri boýunça kesgitlenýär. Çempionlar ligasynyň oýunlary şu görnüşde geçen möwsümden bäri geçirilýär.