Girmek
"Milan" futbol boýunça Italiýanyň Superkubogy ýaryşynyň ýarym finalynda "Ýuwentus" toparyny 2:1 hasaby bilen ýeňdi. Ýaryş Saud Arabystanynda geçirilýär.
Ýeňijileriň düzüminde 71-nji minutda Kristian Pulişiç penaltiden tapawutlandy, "Ýuwentusyň" goragçysy Federiko Gatti (76-njy minut) öz derwezesine gol geçirdi. Turinly toparyň düzüminde bolsa Kenan Ýyldyz (21) tapawutlandy.
Indi "Milan" finalda "Atalanty" toparyny 2:0 hasaby bilen ýeňen "Inter" bilen duşuşar. Çempionlyk ugrunda final oýny 6-njy ýanwarda geçiriler.
Italiýanyň Superkubogy ikinji gezek dört toparyň gatnaşmagynda pleý-off ulgamy boýunça geçirilýär: Ýaryşa Italiýanyň çempiony we wise-çempiony, şeýle hem ýurduň kubogynyň ýeňijisi we finalisti gatnaşýarlar.