Girmek
2024-nji ýylda Arkadag şäherindäki Gurbanguly Berdimuhamedow adyndaky çagalar sagaldyş-dikeldiş merkezinde 985 çaga bejergi aldy. Merkeziň ýolbaşçysy Maýa Öküzowa bu ýerde çagalaryň saglygyny bejermek we dikeltmek, şeýle hem olara bilim bermek üçin ähli döwrebap şertleriň döredilendigini belleýär.
"Neýtralnyý Turkmenistan" gazetiniň berýän habaryna görä, häzirki wagtda merkezde 54 çaga bejergi alýar we merkezdäki çagalar bagynda 97 çaga bilim alýar.
Halkara parahatçylyk we ynanyşmak ýylynyň ilkinji gününde Aýazbabanyň we Garpamygyň gatnaşmagynda merkezde Täze ýyl mynasybetli baýramçylyk dabaralary geçirildi. Bu ýerde bejergi alýan çagalar Arkadag şäherine gezelenç etdiler we şäheriň baş arçasynyň daşyndan el tutuşyp aýlandylar, tans etdiler.
Soňra baýramçylyk dabarasy merkezde dowam etdi. Bu ýerde çagalar öz zehinlerini, sungatda ukyp-başarnyklaryny görkezdiler. Olara Türkmenistanyň Prezidentiniň we türkmen halkynyň Milli Lideriniň adyndan Täze ýyl sowgatlary gowşuryldy.