Girmek
Portugaliýanyň kenarýaka suwlarynda gark bolan hazynaly gämileriň ýüzlerçesiniň bolmagy mümkin diýip, Lissabonyň Täze uniwersitetiniň arheology Aleşandri Monteýru aýtdy. Bu barada «RIA Nowosti» ýazýar.
«Biz 250 sany gark bolan hazynaly gäminiň bardygyny magat bilýäris we olaryň birini iru-giç kimdir biriniň tapjakdygyna ynanýarys» diýen alymyň sözlerini «Observador» gazeti getirýär. Arheolog şeýle-de döwletiň häzirlikçe suwuň astyndaky hazynalary goramaklygy üpjün edip bilmeýändigini sözüniň üstüne goşdy.
Taryhçynyň toplan maglumatlaryna laýyklykda, 1500-nji ýyldan bäri Portugaliýanyň kenarlarynda 8260 sany gämi gark bolupdyr. Olaryň biriniň 1589-njy ýylda Troýa ýarymadasynda gark bolan ispan gämisi bolmagy mümkin, onda altynyň we kümşüň 22 tonnasy bar eken.