Girmek
Aşgabadyň «Altyn asyr» futbol toparynyň AFK-nyň Çempionlar ligasy ― 2-niň saýlama tapgyrynyň çäginde Hindistanyň «Ist Bengal» topary bilen geçirjek duşuşygyny FIFA-nyň awstraliýaly hünärmeni Aleks Kongiň ýolbaşçylygyndaky eminler topary alyp barar. Duşuşyk şu gün, 14-nji awgustda Kalkutta şäherindäki «Solt Leýk» stadionynda geçiriler.
Duşuşykda emine meýdanyň iki gyrasynda Jeýms Lindsi bilen Kerni Robinson ýardam berer. Bu duşuşyk «Altyn asyr» üçin yklym ýaryşlaryndaky ýoluň geljegini kesgitlär.
«Ist Bengal» bu duşuşyga Hindistanyň Naýbaşy kubogynyň eýesi hökmünde çyksa, «Altyn asyr» milli çempionatyň 2023-nji ýyldaky möwsüminiň kümüş medalçysy hökmünde gatnaşýar.