Girmek
Russiýanyň futbol boýunça milli ýygyndysy Kamerunyň ýygyndysy bilen ýoldaşlyk duşuşygyny geçirdi. Moskwa şäherindäki «Dinamo» stadionynda geçirilen duşuşyk rus futbolçylarynyň 1:0 hasabyndaky ýeňşi bilen tamamlandy. Bu barada TASS habar berýär.
Duşuşykdaky ýeke-täk goly 40-njy minutda hüjümçi Fýodor Çalow geçirdi. Şeýlelikde, SSKA-nyň hüjümçisi milli ýygyndyda geçiren altynjy duşuşygynda ilkinji gezek tapawutlandy.
Russiýa indiki ýoldaşlyk duşuşygyny Türkiýede Keniýanyň ýygyndysy bilen geçirer. Bu duşuşyga Türkmenistanyň çäginde «Matç TW» teleýaýlymy arkaly tomaşa edip bolar.