Girmek
Ermenistanyň hökümeti dünýäde Isa pygamberiň iň belent heýkelini dikmek barada taslama rugsat berdi, bu barada düýn ýurduň premýer-ministri Nikol Paşinýan habar berdi diýip, «Izwestiýa» ýazýar.
«Degişli döwlet edaralary bu meseläni ara alyp maslahatlaşyp, karar kabul etmelidirler. Biziň taslama deslapky bahamyz oňyn häsiýete eýedir, sebäbi munuň Ermenistana jahankeşdeleriň ünsüni artdyrjakdygyna bil baglaýarys» diýip, Paşinýan nygtady.
Bäsleşige 300-den gowrak iş gelip gowuşdy, olardan 12-si saýlandy. Jemgyýetçilik ses berlişiginiň we bäsleşigiň eminler toparynyň saýlamagy netijesinde heýkletaraş Armen Sambelýanyň taslamasy ýeňiji diýlip yglan edildi.
Arhitektoryň pikirine görä, heýkeliň boýy mesihiň ýaşan ömrüne laýyklykda 33 metr bolar. Heýkeliň umumy beýikligi 77 metre ýetip, Ýerewandan 25 kilometrlikdäki Atis dagynyň üstünde gurlar.
Häzirki wagtda dünýäde Iusus Hristosyň iň belent heýkeli Polşanyň Swebodzin şäherindäki Hrist Patyşanyň heýkeli hasaplanýar, onuň umumy beýikligi 52 metrdir