Girmek
Howa menziline barýarka, ýolda dörän ulag dyknyşygy sebäpli zenan «Air India» kompaniýasynyň Ahmedabatdan Londona uçuş wagty ýykylan uçaryna 10 minut gijä galdy we janyny halas etdi diýip, «Republic TV» teleýaýlymyna salgylanýan «vfokuse.mail.ru» ýazýar.
Bhumi Çauhan Beýik Britaniýadaky öýüne uçmalydy, ol uçardan gijä galmagynyň diri galmagyna sebäp bolandygyny gürrüň berýär.
«Şol 10 minut üçin men uçara münüp bilmedim. Nähili duýgyny başdan geçirýändigimi-de bilmeýärin, henizem titräp süňňümi tutup bilemok» diýip, bagtly zenan aýdýar. Zenan munuň üçin induist taňry zenany Ganpati Bappa alkyş aýdýar, öz ynanjyna görä, ony hut taňry zenan halas edipdir.
242 ýolagçyly «Boeing 787 Dreamliner» uçary uçuş başlanan dessine Ahmedabat şäherinde ýaşaýyş jaýyň üstüne gaçdy. Uçar heläkçiliginde diňe bir ýolagçynyň halas bolandygy habar berildi.