Girmek
Kipr Respublikasyna iş sapary wagtynda Türkmenistanyň Italiýa Respublikasyndaky Adatdan daşary we Doly ygtyýarly ilçisi T.Kömekow Kipriň Daşary işler ministrliginiň Protokol bölüminiň başlygy K.Sofianoua ynanç hatlarynyň nusgalaryny gowşurdy. Bu barada «Turkmenportala» Türkmenistanyň Italiýadaky ilçihanasy habar berdi.
27-nji marda bolan duşuşykda diplomatlar ileri tutulýan ugurlarda ikitaraplaýyn hyzmatdaşlygyň häzirki taraplaryny ara alyp maslahatlaşdylar. Taraplar iki ýurduň arasyndaky syýasy, diplomatik, söwda, ykdysady we medeni-ynsanperwer hyzmatdaşlyk meselelerini ara alyp maslahatlaşdylar.
Söhbetdeşler Türkmenistan bilen Kipriň arasyndaky gatnaşyklary berkitmäge goşant goşýan ikitaraplaýyn saparlaryň durmuşa geçirilmegine aýratyn üns berdiler.
Duşuşykdan soň taraplar döwletleriň arasyndaky ikitaraplaýyn gatnaşyklary mundan beýläk-de ösdürmek we çuňlaşdyrmak üçin işjeň gepleşik geçirmek isleýändiklerini tassykladylar.