Girmek
Türkmenistanyň «Şagadam» futbol kluby Gyrgyzystanyň «Dordoý» komandasy bilen 2025-nji ýylyň 23-nji fewralynda täze klub ýaryşy bolan CAFA Silk Way Kubogynyň saýlama tapgyrynyň pleý-off duşuşygyny geçirer. Bu barada «TM News» telegram kanalynyň habar berýär. Duşuşygyň geçiriljek ýeri heniz kesgitlenmedikdir.
Bu duşuşygyň ýeňijisi ýaryşyň esasy tapgyryna gatnaşmak ugrunda özara göreşmek mümkinçiligini alar. Bu tapgyrda eýýäm alty ýurduň her birinden bir komanda öz ýerini üpjün edipdir: Gyrgyzystan, Täjigistan, Türkmenistan (çaklamalara görä «Altyn Asyr»), Özbegistan, Owganystan we Eýran.
Bellemeli zat, 74 ýaşly hünärmen Ali Gurbanynyň ýolbaşçylygyndaky «Şagadam» geljekki duşuşyga işjeň taýýarlyk görýär. Türkmenistanyň çempionatynda geçen möwsümde dördünji orny eýelän Türkmenbaşy şäheriniň kluby eýýäm düzümini täze oýunçylar bilen güýçlendirdi.
Türkmen metbugatynda berilýän maglumatlara görä, «Şagadamyň» düzümine: derwezeçi Gurban Garaýew («Arkadagdan»), Aşyr Jumadurdyýew («Nebitçiden»), Süleýman Mirzoýew («Köpetdagdan»), Azizbek Bekjanow («Ahaldan») dagy goşuldylar.
Taryhda ilkinji CAFA Silk Way Kubogy 2025-nji ýylyň aprel aýynyň ahyrynda merkezleşdirilen görnüşde geçiriler. Toparlaýyn tapgyra iki toparça bölünen sekiz komanda gatnaşar. Her topardan iň gowy iki komanda ýaryşyň pleý-off tapgyryna çykar.