Girmek
18-nji oktýabrda Aşgabatda Türki medeniýetiň halkara guramasyna (TÜRKSOÝ) agza bolan ýurtlaryň II teatr festiwaly öz işine başlaýar. Açylyş dabarasy Türkmenistanyň Beýik Saparmyrat Türkmenbaşy adyndaky Baş akademiki drama teatrynda bolar.
Festiwal diňe bir teatr işgärlerini däl-de, eýsem alty türk döwletiniň: Türkmenistanyň, Azerbaýjanyň, Türkiýäniň, Özbegistanyň, Gazagystanyň we Gyrgyzystanyň sungat ussatlaryny bir ýere jemlär.
Medeni maksatnamanyň çäklerinde festiwala gatnaşyjylaryň «Seýitjemaletdin ýadygärlik toplumyna» we «Magtymguly Pyragy» medeni-seýilgäh toplumyna baryp görmegi meýilleşdirilýär.
19-njy oktýabrda ussatlyk sapaklarynyň tapgyrynyň geçirilmegi meýilleşdirilýär, onda türk döwletleriniň suratkeşleri türkmen kärdeşleri bilen tejribe alşarlar. 20-nji oktýabrda paýtagtymyzdaky Şekillendiriş sungaty muzeýinde açyljak TÜRKSOÝ guramasynyň biennalesine gatnaşyjylarynyň eserleriniň sergisi bolsa döredijilik çäreleriniň içinde iň ähmiýetlisi bolar.
Bu çäre türki halklaryň arasyndaky medeni gatnaşyklary pugtalandyrmak we bu gurama gatnaşyjy ýurtlaryň suratkeşleriniň arasynda döredijilik tejribe alşylmagy üçin amatly meýdança döretmek üçin geçirilýär – diýip, Türkmenistanyň Medeniýet ministrliginde «Türkmenportala» habar berdiler.