Girmek
Fizik-alym Albert Eýnşteýniň Amerikanyň 32-nji Prezidenti Franklin Ruzwelte ýazan haty söwda-satyg auksionynda 3,992 mln dollara satyldy. Hatda gitlerçi Germaniýanyň ýadro ýaragyny döretmek howpy barada duýdurylýar diýlip, «MIR 24» ýazýar. Söwda-satyg öýüniň saýtynda haty «ХХ asyryň, megerem, iň täsirli haty» diýip atlandyrdylar.
Hat iki nusgalykda 1939-njy ýylyň 2-nji awgustynda düzülipdir. Prezidente ugradylan hat Ruzweltiň Nýu-Ýorkdaky Prezident kitaphanasynda we muzeýinde saklanýar. Satuwa çykarylan ikinji nusga şahsy toplumda saklanypdyr.
«Ýadro fizikasy ulgamyndaky golaýdaky işler uranyň täze we möhüm energiýa çeşmesine öwrüljekdiginiň ähtimallygyny görkezdi» diýip, Eýnşteýn hatynda belleýär.
Alym täze açyşlaryň çakdanaşa güýçli bombalary döretmek üçin esas bolup biljekdigini ýazýar. Prezident Ruzwelt alymyň hatyndan soňra «Manhetten taslamasynyň» öňbaşçysy bolan ýörite geňeş döredipdir diýlip, habarda bellenýär.