Girmek
Türkmenistanyň milli ýygyndysy adaty karate boýunça Aziýanyň çempionatynda üstünlikli çykyş etdi. Ýaryş 2025-nji ýylyň 15–25-nji noýabry aralygynda Özbegistanyň paýtagty Daşkentde geçirildi.
Türkmen türgenleri dürli derejeli 18 medala: 9 altyn, 6 kümüş we 3 bürünç medala mynasyp boldular. Ýaryşa sebitiň 10 ýurdundan 500-e golaý türgen gatnaşdy.
Altyn medallary Türkmenistandan dürli ýaş toparlarynda we dürli ugurlarda çykyş eden dokuz türgen gazandy. Çempionlaryň arasynda şahsy kata we kumite boýunça 8–9 ýaşdan 16–17 ýaş aralygyndaky agram derejelerinde çykyş eden türgenler bar. Şeýle hem alty sany türkmen karateçisi kümüş medala eýe boldy, ýene üçüsi bürünç medala mynasyp boldy.