Girmek
Golliwudyň režissýory Ridli Skottuň meşhur filminiň dowamy bolan «Gladiator 2» halkara prokatda 87 million dollar toplady. Bu barada «Variety» neşirine salgylanýan «kino.mail.ru» habar berdi.
Dynç günlerinde kassa ýygymlary boýunça gazanylan bu görkeziji «Paramount Pictures» studiýasy, şeýle-de režissýor üçin rekord derejedir. Täze filmiň býujeti 250 million dollardan geçýär.
Häzirki wagtda «Gladiator 2» dünýäniň 63 ýurdunda kinoteatrlara çykdy, ol iň köp girdejini Beýik Britaniýada, Fransiýada, Ispaniýada, Awstraliýada we Meksikada toplady. Film ABŞ-da we Kanadada 22-nji noýabrda prokata goýberiler.
Ridli Skottuň «Gladiator 3» filmini surata düşürmäge taýýarlanýandygy habar berilýär. Birinji «Gladiator» ekrana 2000-nji ýylda çykdy.