Girmek
Halkara BRIKS guramasynyň 2025-nji ýyldaky sammiti guramada başlyklyk ediji Braziliýanyň Rio-de-Žaneýro şäherinde geçer. Bu barada bileleşigiň metbugat gullugyna salgylanýan TASS habar berýär.
Braziliýa 1-nji ýanwardan bäri guramada başlyklyk edýär.
Geçen 2024-nji ýylda bileleşige Russiýa başlyklyk etdi, onuň baş wakasy Kazan şäherinde 22-24-nji oktýabrda geçen sammit boldy. Kazan sammitinde hyzmatdaş-ýurtlar derejesini döretmek barada çözgüt kabul edildi. Ilkinji hyzmatdaşlar Belarussiýa, Boliwiýa, Gazagystan, Kuba, Malaýziýa, Tailand, Uganda we Özbegistan boldy. Öň hyzmatdaş diýlip yglan edilen Indoneziýa bileleşigiň doly hukukly agzalygyna saýlandy.