Girmek
Moskwa – Aşgabat uçar gatnawlary ugrunyň ýatyrylmagy sebäpli «Türkmenistan» awiakompaniýasy 2025-nji ýylyň 3 – 4-nji ýanwarda meýilleşdirilen Moskwa – Bangkok üstaşyr uçuşlaryň ýolagçylary üçin başga ugurlary guraýar – diýip, awiakompaniýanyň Russiýadaky baş wekiliniň metbugat gullugy habar berýär.
3-nji ýanwarda Moskwadan uçýan ýolagçylaryň sagat 02:00-de Moskwa – Stambul uçary bilen gidýändigi bellenilýär. Soňra olar sagat 07:20-de «Türkmenistan» awiakompaniýasynyň Stambul – Aşgabat – Bangkok ugry boýunça yzygiderli uçar gatnawy bilen ýoluny dowam etdirerler we Bangkok şäherine biletde görkezilen wagta laýyklykda bararlar.
4-nji ýanwarda Moskwadan uçýan ýolagçylar hem sagat 02:00-de Moskwa – Stambul – Aşgabat uçuşy bilen giderler. Aşgabada gelenden soň, olar «Türkmenistan» awiakompaniýasynyň uçary bilen Bangkok şäherine çenli ýoluny dowam etdirerler. Aşgabatda garaşýan wagtynda ýolagçylar howa menziliniň myhmanhanasynda ýerleşdiriler.
Awiakompaniýa ýolagçylardan uçar bileti satyn alnan agentlik bilen habarlaşmagy we üýtgedilen tertip boýunça uçuşa razylygyny tassyklamaklaryny haýyş edýär.