«Wildberries» internet dükanlar zynjyryny esaslandyryjy Tatýana Kim «Forbes» žurnalynyň wersiýasy boýunça Russiýanyň iň baý zenany diýlip, nobatdaky gezek yglan edildi. Ol öň hem 2023-2025-nji ýyllarda bu neşiriň sanawynda birinji orny eýeläpdi.

Neşiriň bahalandyrmasyna görä, Tatýana Kimiň emlägi 7,1 milliard dollar bolanlygyndan 5 milliard dollara çenli azaldy. Sanawa gatnaşyjy zenanlaryň umumy emlägi-de 25,75 milliard dollar bolanlygyndan 18,95 milliard dollara çenli, şeýle hem milliarder-zenanlaryň sany dokuzdan dörde çenli kemeldi. Sanawda täze atlar peýda bolmady.

Russiýaly milliarder-zenanlaryň hataryna «Inteco Management» kompaniýasynyň prezidenti Ýelena Baturina, «Uralsib» bankynyň paýdary Lýudmila Kogan we «Lukoýlyň» öňki esaslandyryjylarynyň biri Leonid Fedunyň gyzy Ýekaterina Fedun girdiler.