2026-njy ýylyň ýanwar — awgust aýlarynda Baku — Tbilisi — Jeýhan (BTJ) nebit geçirijisi arkaly jemi 16 million 746 müň tonna nebit daşaldy. Bu görkeziji 2025-nji ýylyň degişli döwri bilen deňeşdirilende, 8,8 göterim azaldy.

Şol bir wagtyň özünde Türkmenistan bilen Gazagystandan iberilen nebitiň möçberi 3 million 28,5 müň tonna ýetip, turbageçiriji arkaly daşalan nebitiň 18,1 göterimini düzdi.

«Report» habarlar gullugynyň Azerbaýjanyň Döwlet statistika komitetiniň maglumatlaryna salgylanyp habar bermegine görä, hasabat döwründe BTJ turbageçirijisiniň üsti bilen ýurduň ähli nebit daşama möçberiniň 76,6 göterimi geçirildi.

BTJ arkaly daşalan nebitiň esasy bölegini — 13 million 717,4 müň tonnasyny ýa-da umumy möçberiň 81,9 göterimini Azerbaýjanda öndürilen nebit emele getirdi.

Bellenilişi ýaly, 2026-njy ýylyň ilkinji 8 aýynda BTJ arkaly Azerbaýjanyň nebitiniň daşalyşy 11,3 göterim azalan bolsa, Türkmenistan bilen Gazagystanyň nebiti boýunça bu görkeziji 4,9 göterim artdy.