Aziýanyň futbol konfederasiýasy (AFK) AFK-nyň Çagyryş ligasynyň 2026/27-nji ýylyň möwsüminiň toparçalaýyn tapgyryndaky duşuşyklaryň tertibini mälim etdi. Türkmenistanyň «Ahal» toparynyň çykyş edýän «A» toparçasynyň duşuşyklary merkezleşdirilen görnüşde Butanda geçiriler.

Ýatladyp geçsek, mundan ozal Malaýziýanyň Kuala-Lumpur şäherindäki AFK-nyň binasynda geçirilen ýaryşyň bije çekişliginiň netijesinde «Ahal» Günbatar zolagynyň «A» toparçasyna düşdi. Türkmen toparynyň garşydaşlary Liwanyň «Al-Ansar», Siriýanyň «Al-Ittihad» we Butanyň «Paro» toparlary boldy.

Toparçalaýyn tapgyryň netijeleri boýunça ýaryşyň çärýek finalyna sekiz topar çykar. Pleý-off duşuşyklary toparlaryň öz stadionlarynda we garşydaşlaryň meýdançalarynda geçirilýän iki aýlawly görnüşde bolar: çärýek final duşuşyklary mart aýynda, ýarym final duşuşyklary aprel aýynda geçiriler. Final oýny 2027-nji ýylyň 8-nji maýynda meýilleşdirilýär.

«Ahalyň» duşuşyklarynyň tertibi:

1-nji tapgyr, 17-nji oktýabrda

«Ahal» – «Paro»

2-nji tapgyr, 20-nji oktýabrda

«Al-Ittihad» – «Ahal»

3-nji tapgyr, 25-nji oktýabrda

«Ahal» – «Al-Ansar»