Dünýä emeli aň (EA) ýaryşynda «singulýarlyk nokadyna» ýetdi diýip, «OpenAI» kompaniýasynyň baş direktory Sem Altman «Relentless» podkastynda habar berdi diýip, «Business Insider» neşiri ýazýar.

«Biz häzir singulýarlyk nokadynda diýip bileris. Hakykatdanam, öň nahar başynda degişme bilen gürrüňini eden pursadymyza ýetdik. Men bu pursada ömrümboýy garaşdym, bu nähilidir bir görülmedik, aýratyn ýakymly we tutuş dünýäni aňk etjek döwür bolar diýip pikir edýärin» diýip, Altman nygtady.

Tehnologik singulýarlyk – bu tehnologik ösüşiň dolandyryp bolmajak we adamzady çynlakaý üýtgeşmelere eltjek pursadyny aňladýan ylmy çaklamadyr.