Belet platformasy göni ýaýlymlaryň baý maksatnamasy bilen futbol söýüjilerini begendirmegini dowam etdirýär. Ýakyn günlerde tomaşaçylar Ýewropanyň bäş öňdebaryjy çempionatynyň esasy duşuşyklaryny görüp bilerler.

Seriýa A

2-nji maýda Aşgabat wagty bilen sagat 21:00-da «Komo» bilen «Napoli» duşuşar. 3-nji maýda sagat 23:45-de «Inter» bilen «Parma», 4-nji maýda şol bir wagtda bolsa «Roma» «Fiorentina» bilen oýnar.

Bundesliga

2-nji maýda janköýerler iki oýna tomaşa ederler: sagat 18:30-da «Bawariýa Mýunhen» «Haýdenhaým» bilen duşuşar, sagat 21:30-da bolsa «Baýer Lewerkuzеn» «RB Leýpsig» bilen güýç synanyşar.

La Liga

3-nji maýda sagat 00:00-da «Osasuna» «Barselona» garşy oýnar. 4-nji maýda şol bir wagtda «Espanýol» «Real Madridi» kabul eder.

Liga 1

2-nji maýda sagat 20:00-da «Pari Sen-Žermen» «Lorýan» bilen duşuşar.

Angliýanyň Premýer-ligasy

2-nji maýda sagat 21:30-da «Arsenal» «Fulhem» bilen duşuşar. 3-nji maýda sagat 19:30-da aýgytly duşuşyk — «Mançester Ýunaýted» bilen «Liwerpulyň» arasyndaky oýun geçiriler, sagat 23:00-da bolsa «Aston Villa» «Tottenhemi» kabul eder. 5-nji maýda sagat 00:00-da «Ewerton» «Mançester Siti» bilen oýnar.

Türkiýäniň Superligasy

2-nji maýda sagat 22:00-da «Samsunspor» «Galatasaraý» bilen duşuşar.

Ähli oýunlar Belet platformasynda göni ýaýlymda elýeterli bolar. «Premium» abunasy bolan tomaşaçylar sanawda görkezilen duşuşyklaryň ählisini hakyky wagt tertibinde tomaşa edip bilerler.