Dokma senagaty ministrliginiň Gökdepe etrabyndaky pagta egriji fabriginde öndürilýän nah ýüplükler dünýä bazarynda bäsdeşlige ukyplylygy bilen tapawutlanýar. Şonuň üçin olara isleg hem barha artýar. Bu bolsa kärhananyň işçi-hünärmenlerini joşgunly zähmete ruhlandyryp, önümçiligi bökdençsiz alyp barmaga hem-de aýba-aý önümçilik meýilnamalaryna hötde gelmäge şert döredýär. Bu barada «Türkmenistan» gazetinde habar berildi.
Habarda bellenilişi ýaly, 2024-nji ýylyň ýanwar — mart aýlarynda bu ýerde 24 million 948 müň 400 manatlyk önüm öndürilip, geçen ýylyň degişli döwri bilen deňeşdirilende, bu babatda 111,5 göterim ösüş gazanyldy.