Germaniýa Federatiw Respublikasynyň Aşgabatdaky ilçihanasy konsullyk-hukuk bölümi üçin boş iş ornunyň bardygyny habar berdi. 2027-nji ýylyň ýanwar-aprel aýlarynda çaga seretmek üçin berilýän rugsat döwründe işde bolmajak kärdeşiniň ornuny wagtlaýyn eýelemek üçin işgär kabul edilýär.

Wezipesi boýunça esasy borçlar şulardan ybarat:

• ilçihana gelýän raýatlary kabul etmek (nemes, türkmen we rus dillerini bilmek hökmandyr);

• wiza almak üçin tabşyrylýan arzalary kabul etmek we olary işlemek;

• arza berijiler bilen hat alyşmak we telefon arkaly gepleşikleri geçirmek;

• wiza resminamalaryny arhiwleşdirmek.

Resminamalar 2026-njy ýylyň 24-nji noýabryna çenli kabul edilýär.

Boş iş orny we dalaşgärlere bildirilýän talaplar baradaky giňişleýin maglumat ilçihananyň resmi internet sahypasynda ýerleşdirilendir.