Balkan welaýatynyň edermen daýhanlary pagta öndürmek baradaky şertnamalaýyn borçnamalaryny üstünlikli ýerine ýetirip, Watan harmanyna ak altynyň bol hasylyny tabşyrdylar. Bu barada şu gün Ministrler Kabinetiniň Başlygynyň orunbasary A.Atahallyýewiň hem-de welaýatlaryň häkimleriniň gatnaşmagynda sanly ulgam arkaly geçirilen iş maslahatynyň dowamynda Balkan welaýatynyň häkimi R.Jumaýewiň hasabatynda bellenildi.

«Watan»  habarlar gepleşiginde habar berlişi ýaly, häkim bu ugurda döredilýän ähli şertler hem-de hemaýat-goldawlary üçin welaýatyň ýaşaýjylarynyň adyndan Türkmenistanyň Prezidentine hem-de türkmen halkynyň Milli Liderine tüýs ýürekden hoşallyk bildirdi.

Türkmenistanyň Prezidenti welaýatyň ussat babadaýhanlarynyň Watan harmanyna pagta hasylyny tabşyrmak boýunça şertnamalaýyn borçnamalaryny üstünlikli ýerine ýetirendikleri bilen welaýatyň pagtaçy daýhanlaryny hem-de oba hojalyk işgärlerini gazanan zähmet üstünlikleri bilen tüýs ýürekden gutlap, olara täze rowaçlyklary arzuw etdi.