«Merwiň» futbolçylary Türkmenistanyň Ýokary ligasynyň 6-njy tapgyrynyň çäklerinde geçirilen öz meýdançasyndaky duşuşygynda Aşgabadyň «Köpetdag» toparyny 2:1 hasabynda ýeňdi. Duşuşyk Mary şäherinde geçirildi.

Ýeňijileriň düzüminde Guwanç Berdimyradow (32, 90+5) iki pökgi geçirip, dubl etdi. Utulan toparyň ýeke-täk pökgüsini Batyr Aşyrow (47) geçirdi.

Bu duşuşygyň netijesine görä, «Merw» 10 utuk toplap, ýaryş tertibinde 4-nji orny eýeleýär. «Köpetdag» bolsa 1 utuk bilen 8-nji orunda ýerleşdi.