Keniýaly ýeňil atletikaçy Sebastýan Sawe London marafonynda ýeňiş gazanyp, taryhda ilkinji gezek 42 km 195 metr bolan nusgawy aralygy iki sagada ýetirmän geçmegi başardy. Onuň netijesi 1 sagat 59 minut 30 sekunt bolup, bu öňki dünýä rekordyny 65 sekunt gowulandyrdy — diýip, Associated Press agentligi habar berýär.

Ikinji orny efiopiýaly ylgawçy Ýomif Kijelça eýeledi, ol hem marafony iki sagada ýetirmedi we ony 1:59.41 netije bilen tamamlady. Bürünç medaly ugandaly Jeýkob Kiplimо gazanyp, bu aralykda 2:00.28 wagt görkezdi.

Zenanlaryň arasynda diňe zenanlaryň gatnaşmagynda geçirilen ýaryşlarda dünýä rekordyny efiopiýaly Tigist Assefa goýdy — onuň netijesi 2:15.41. Marafon boýunça zenanlaryň absolýut dünýä rekordy bolsa henizem britaniýaly ylgawçy Pola Redkliffe degişlidir: ol 2003-nji ýylda garyşyk ýaryşda şeýle netije görkezdi we bu görkezijä şu wagta çenli ýetilmedi.