3-nji aprelde Türkmenistanyň Aragatnaşyk ministrliginiň Politehniki orta hünär okuw mekdebinde Bütindünýä saglyk güni mynasybetli sport çäreleri geçirildi. Ýaryşlaryň maksatnamasynyň çäklerinde talyplar mini-futbol, woleýbol, uzynlyga bökmek, tanap çekişmek, agyrlyk götermek, küşt we stol tennisi boýunça bäsleşdiler.

Çäre ýaşlaryň işjeňligini ýokarlandyrmaga we talyplaryň arasynda sagdyn durmuş ýörelgesini berkitmäge gönükdirildi. Şeýle sport oýunlary ýaşlara okuwdan boş wagtlaryny gyzykly we peýdaly geçirmek bilen birlikde, beden taýdan çydamlylygyny we olaryň ruhy sagdynlygyny ösdürmäge ýardam berýär.