Pakistanyň Haýber-Pahtunhwa ülkesinde güýçli ygal düşmegi sebäpli 11 adam gurban boldy, 18 adam şikes aldy. Bu barada «Anadolu Ajansi» habarlar gullugyna salgylanýan «Kazinform» habar berdi.

Çabga netijesinde ilatly ýerler gark boldy, ýollar ýapyldy. Ýerli häkimiýetler etraplaryň birgideninde agaçlaryň ýykylyp, infrastruktura zeper ýetengini, süýşgünler sebäpli esasy ýollarda hereketiň bozulandygyny habar berdi. Swat etrabynda güýçli ýagyşlar netijesinde derýalar we çeşmeler kenardan agyp, sil emele geldi.

Howa maglumaty gullugy ülkede ygalyň dowam etjekdigini, beýik dag etraplarynda gar ýagjakdygyny duýdurdy.