Hindistanyň paýtagty Nýu-Delä ýagan güýçli musson ýagyşlary netijesinde ýykylan binada dört adam pida boldy. Ýagyş suw süýşgünlerini we ýurduň dürli ýerlerinde ulag gatnawlarynda bökdençlikleri döretdi diýip, «armenpress» habar berdi.

Ýurduň meteorologiýa edarasy Deliniň käbir etraplarynda we goňşy Harýana ştatynda howplulygyň gyzyl derejesini yglan etdi. Deliniň howa menzili köçeleriň gark bolandygy sebäpli ýolagçylara uçuş üçin irräk gelmegi duýdurdy.

7-nji iýulda çabgalar sebäpli Kerala ştatynyň Waýanad etrabynda azyndan dört adam, Maharaştra ştatynda 13 adam pida boldy. Puna şäherinde yzyny kesmän ýagan çabgada ullakan zibil üýşmegi goňşy zawodyň üç gatly edara binasyny basdy, ýedi adam halas edildi, dokuz adam harabanyň astynda galdy.