25-nji iýunda Türkmenistanyň Bilim ministrliginde ministr J. Gurbangeldiýew bilen Yrak Respublikasynyň Türkmenistandaky ilçihanasynyň işleri wagtlaýyn ynanylan wekili J. M. Al-Attaryň arasynda duşuşyk geçirildi.

Ministrligiň resmi saýtynda habar berlişine görä, taraplar bilim, ylym we medeni–ynsanperwer ugurlarda hyzmatdaşlygyň ösdürilmegi bilen baglanyşykly meseleleri ara alyp maslahatlaşdylar.

Taraplar bilim edaralarynyň arasyndaky hyzmatdaşlygy giňeltmäge gyzyklanma bildirip, akademiki gatnaşyklary ösdürmek, tejribe alyşmak we ynsanperwer hyzmatdaşlygy berkitmek boýunça bilelikdäki başlangyçlaryň durmuşa geçirilmegine aýratyn üns berdiler.

Duşuşygyň netijesinde taraplar bilim ulgamynda hyzmatdaşlygy ösdürmek üçin täze mümkinçilikleri ara alyp maslahatlaşmaga taýýardyklaryny tassykladylar.