Türkmenistanyň kiokuşinkaý karate boýunça milli ýygyndysy 22–23-nji maý aralygynda geçiriljek International Championship ýaryşyna gatnaşmak üçin Germaniýanyň Bad-Nauhaým şäherine ugrady.

Ýaryşa Ýewropanyň, Aziýanyň, Demirgazyk Amerikanyň we Afrikanyň ýurtlaryndan iň güýçli türgenler gatnaşarlar.

Türkmen wekiliýetine Begmyrat Baýramow ýolbaşçylyk edýär. Ýygyndymyzyň düzümine sekiz türgen — toparyň kapitany Meýlis Paşagulyýew, Annadurdy Gurbangylyjow, Aýmyrat Ýediýew, Şyhnazar Şirzadow, Myrat Ekaýew, Aly Begmyradow, Jeýhun Baýrammämmedow we Aýnur Nurjanowa girýär. Ýaryşda ýurdumyzyň eminler toparyna Myrataly Amanow wekilçilik eder.