Aşgabat şäheriniň güni mynasybetli paýtagtymyzda baýramçylyk maksatnamasy meýilleşdirildi.

Baýramçylyk dabaralarynyň esasy bölegi 24–25-nji maý günleri geçiriler. Şol günlerde «Binagärlik. Innowasiýalar. Durnukly ösüş» diýen şygar astynda «Ak şäherim Aşgabat – 2026» atly XXV halkara sergi we maslahat geçiriler.

«Türkmenistan: Altyn asyr» neşiriniň habar bermegine görä, şu gün Türkmenistanyň Döwlet medeniýet merkeziniň Döwlet muzeýinde we Türkmenistanyň Şekillendiriş sungaty muzeýinde paýtagtymyza bagyşlanan tematiki sergiler açyldy.

24-nji maýda sagat 19:00-da Türkmenistanyň Döwlet medeniýet merkeziniň Mukamlar köşgünde «Sessiz kino we janly saz» atly konsert geçiriler.

25-nji maýda sagat 19:00-da «Aşgabat» aýdym-saz merkezinde paýtagtymyzyň sungat ussatlarynyň baýramçylyk konserti bolar.