Doglan senesinden bäri üç asyra golay wagt geçen akyldar Magtymgulynyň döredijiligi bu gün dünÿä alymlary tarapyndan giň öwrenilyär. Ceper sözün ussatlary bolsa sahyryn ömri, durmuşy, onuň yaşan döwri hakynda ençeme eserler döretdiler. Türkmen edebiyatynyň taryhynda ilkinji bolup akyldar şahyr hakynda eser yazmak ussat ýazyjymyz Berdi Kerbabaýewiň paýyna düşdi. Ol 1941nji ýylda beýik şahyr Magtymgulynyň edebi keşbini döretmäge synanyşyk edýär. Dramaturg şahyryň goşgularyna ýüzlenip, şol goşgular esasynda şahyr baradaky tutumly eseri döredýär. Dramaturgyň aýdyşy ýaly, eserde okyjyda, tomaşaçyda ata Watana bolan söýgini ösdürmek üçin, Watanyň goragyny hasda berkitmäge çagyryş hökmünde türkmen halkynyň taryhyna ýüzlenilýär. Taryhyň gatyndan okyja türkmen ýigidiniň Watana bolan söýgüsi janlandyrylyp görkezilýär. Şol döwürde drama eserleriniň az wagtda ýazylyp tomaşaça hödürlenilmegi, şeýlede, beýik şahyryň keşbini gysga wagtda döredip halka ýetirmegi dramaturgdan uly ussatlygy talap edýärdi. Magtymgulynyň keşbini çeper söz bilen beýan etmek näçe gyzykly, özüneçekiji bolsada, şonçada ýeňil bolmadyk işdi. Dramaturgyň bu jogapkärçilige kyn žanrda ýüzlenmesi,onda-da ony goşgy bilen ýazyp hödürlemegini onuň üstünligi diýip bileris. Dramada awtoryň öz öňünde goýan wezipesi şahyryň çeper keşbini doly açyp görkezmek bolup durýar. Bu maksat dramaturgiýa žanrynda şahyr bilen dramaturgyň ikiçäk galyp, hereketiň, çeper diliň üsti bilen tomaşaça şahyryň dünýäsini açyp görkezmekde jemlenýär. Munuň jogapkärçiligi bolsa haýsydyr bir aktýory döwre görä geýindirip, oňa batly ses bilen Magtymgulynyň goşgularyny ýatdan okatmak bilen çözülýän mesele dälde, şol keşpde şahyryň çeper keşbini açmaga mümkinçilik beryän hereketleri, dili, garşylygy tapmakdan, ulanmakdan ybarat bolup duryar. Bu eserde sanan edebi tilsimlerimizi tapyp, şahyryň keşbini döretmäge dramaturga onuň öz goşgularyna köpräk üns bermegi ýardam beripdir.
Döwletmämmet Azady adyndaky Türkmen milli dünýa dilleri institutynyň talyby Baýlyýewa Nartäç