Işdäaçaryň goşundylary — bu edil tortuň üstünde goýulýan ülje mysalydyr, ol sowuk tagamyň ahyrky süýjüligi ýalydyr. Dogry taýýarlanan sous işdäaçaryň hakyky tagamyny görkezer we adaty hasap edilýän maddalara-da täzeçe öwüşgin berer.

Ajaýyp goşundyny nädip taýýarlamalydygyny öwrenmek üçin birnäçe ýönekeý düzgünleri bilmeli.

Goşundy esasy, goşmaça komponentlerden, spesiýalardan we «gizlin» ingredientlerden ybaratdyr.

Goşundynyň esasy hökmünde şular alynýar:

• ösümlik ýagy. Zeýtun we günebakar işdäaçarlaryň köpüsi üçin bolar, künji — Gündogar we Aziýa işdäaçarlary üçin, gorçisaly — gök we bakja önümlerden taýýarlanýan işdäaçarlar üçin amatlydyr;
• sirke;
• tokaý miweleriniň ýa-da sitrusyň şire suwlary.

Işdäaçaryň düzümini göz öňünde tutup goşmaça komponentler saýlanýar:

gorçisa — işdäaçar üçin iň gowsy munuň dänelisini saýlamakdyr. Ol sousyň tagamyny, ýakymlylygyny berýär we has goýaldýar. Etli, gök önümli we otly işdäaçarlar üçin hem amatly;

ary baly — işdäaçarlary guradylan, gowrulan ýa-da kakadylan et, ysly peýnir, hoz we rukkolo bilen üpjün edýär;

maýonez, ýogurt ýa-da gaýmak — etli, gök önümli we balykly işdäaçarlar üçin. Gaýmakly ýa-da ýogurtly goşundy üçin ýag goşulmaýar.

Spesiýalar

Esasy bilmeli zat — spesiýalary goşmagy ýatdan çykarmaly däldir. Esasanam, özboluşly ysy bolan işdäaçarlar taýýarlananda. Işdäaçarlar üçin haýsy spesiýalar laýyk:

duz;

gara täze owradylan burç;

ter otlar (ukrop, petruşka, silantro, reýhan);

koriandr — gaýnadylan gök önümli işdäaçarlar üçin;

hoz — gaýnadylan gök önümli we etli işdäaçarlar üçin;

zenjebil — Aziýa işdäaçarlary, şeýle hem towuk we täze gök önümler üçin;

maýoran ýa-da oregano ýaly guradylan dogralan ösümlikler.

«Gizlin» ingrediýent / izýuminka

Bu komponenti saýlamak öz islegiňe we fantaziýaňa baglydyr. Işdäaçaryň «izýuminkasyny» barlap görüp hem bolar. Oňa şulary goşmak bolar:

gyrylan peýnir;

gök önümli, balykly we kerkawly işdäaçarlar üçin zeýtun;

peýnirli we gök önümli işdäaçarlar üçin dogralan hoz;

zygyr çigitleri gök önümli işdäaçarlar bilen laýykdyr (esasanam, pomidor we otlar bilen);

gowrulan künji;

nar;

çili burçy;

gaýnadylan ýumurtganyň sarysy;

miweler. Mysal üçin, malina ýaşyl noýba, täze işdäaçar, rukkolo, pomidorly işdäaçarlar üçin amatlydyr.

Surat: pixabay.com

Goşundyny nädip dogry taýýarlamaly:

birmeňzeş massa almak üçin ýagy we kislotany garmaly;

goşundynyň işdäaçar bilen nähili garyşjakdygyny bilmek üçin ony ýaprakly ýa-da gök önümli işdäaçar bilen synap görüň;

goşundyny işdäaçara naharyň ýany bilen alynmazyndan öňinça goşsaň gowy bolar. 

Käbir ýönekeý işdäaçar goşundylarynyň reseptleri:

Klassiki (uniwersal) goşundy resepti: 3 nahar çemçesi ösümlik ýagy, 1 nahar çemçesi kislota (sirke ýa-da şire), islege görä duz we burç.

Fransuz goşundysy. Ownuk sarymsaklary garyň, 1 çaý çemçesi däneli gorçisa, 2 nahar çemçesi sirke, 6 nahar çemçesi zeýtun ýagy, duz we täze owradylan gara burçy garyň;

Ýogurtly. 6 nahar çemçesi gatyk, 2 nahar çemçesi limon suwy ýa-da sirke, 1 nahar çemçesi zeýtun ýagy, duz we täze owradylan gara burçy goşuň;

Limonly. 6 nahar çemçesi zeýtun ýagyny, 1 ortaça ululykdaky limonyň suwuny, duzy we täze owradylan gara burçy goşuň;

Ýumurtgaly. 2 sany ýeterlik gaýnadylan ýumurtganyň sarysyny bişirmeli. Bir diş ownuk sarymsak, 2 nahar çemçesi gorçisa, 2 nahar çemçesi limon suwy, 100 ml zeýtun ýagy, duz we täze owradylan gara burç goşuň;

Maýonez goşundysy. 100 gram maýonez, 2 diş dogralan sarymsak, 1 çaý çemçesi limon suwy, duz we burç. Işdäaçara baglylykda ukrop otuny hem goşmak bolýar.

Peýdalanylan çeşmeler: zira.uz

Şeýle-de okaň:

• Gün reňkli bakja önümleriniň we miweleriň saglyga peýdasy
• «Holesterin» — eýmendirýän söz: Ondan dynmak zerurmy?