«TurkmenExpo» Türkmenistanyň Söwda-senagat edarasy bilen bilelikde işewürligiň wekillerini «Messe Frankfurt» sergileriniň abraýly bilermeni jenap Ýurgen Wersiň ýörite okuw sapagyna çagyrýar. Bu çäre 1-nji maýda Aşgabatda «ITSE 2025» halkara sergisiniň çäklerinde geçiriler.
Okuwyň mowzugy: «Messe Frankfurt» sergisine gatnaşmagy nädip üstünlikli guramaly? A derejesi». Bu intensiw okuw gatnaşyjylara halkara sergilerine gatnaşmakdan iň ýokary netijeleri gazanmak üçin zerur amaly bilimleri we endikleri bermek üçin döredildi. Sergi işewürligi ugrunda köp ýyllyk tejribesi bolan jenap Wers gymmatly pikirlerini we täsirli strategiýalary paýlaşar.
Okuwyň maksatnamasy çäräniň öňüsyrasynda maksatlary meýilnamalaşdyrmak we kesgitlemek, diwarlygy netijeli dolandyrmak we serginiň dowamynda aragatnaşyklary ýola goýmak, şeýle hem netijeleri seljermek we sergi tamamlanandan soň işewür gatnaşyklary pugtalandyrmak ýaly sergilere taýýarlanmagyň we olara gatnaşmagyň esasy taraplaryny öz içine alýar.
Her bir işewürlik üçin sergilere gatnaşmak boýunça aýratyn meýilnama düzmäge aýratyn modul bagyşlanar.
Okuw Türkmenistanyň Söwda-senagat edarasynyň binasynda geçiriler. Gyzyklanýan taraplar contact@turkmenexpo.com elektron poçta arkaly habarlaşyp ýa-da şu salgylanma arkaly hasaba alnyp bilerler.
Guramaçylar orunlaryň çäklidigine ünsi çekýärler we sergiler pudagynda tejribäňizi artdyrmak mümkinçiligini elden gidirmezlik üçin öňünden hasaba alynmagy maslahat berýärler.
Bu okuwy tamamlamak bilen, «Messe Frankfurt» sergilerine üstünlikli gatnaşmagyň syrlaryny öwrenersiňiz we Türkmenistandaky işiňizi halkara derejesinde giňeldip bilersiňiz.
