Top.Mail.Ru

Soňky habarlar

Arhiw

MAFA ― 2024: Türkmenistanyň ýetginjekler ýygyndysy eýranly futbolçylar bilen duşuşar

17:3419.08.2024
0
10647

Türkmenistanyň futbol boýunça 17 ýaşa çenli ýetginjekler ýygyndysy şu gün ― 19-njy awgustda Merkezi Aziýanyň Futbol assosiasiýasynyň çempionatynyň ikinji tapgyryndaky duşuşygyny geçirer. Bu günki garşydaş Eýranyň ýygyndysy bolar. MAFA-nyň YouTube-däki kanaly arkaly göni ýaýlymda alnyp görkeziljek duşuşygyň Aşgabat wagty bilen sagat 21:30-da başlanmagyna garaşylýar.

Täjigistanyň paýtagtynda geçirilýän ýaryş türkmen ýygyndysy üçin Aziýanyň kubogy ― 2025-iň saýlama tapgyryna taýýarlygyň möhüm bölegi bolar. MAFA-nyň çempionatyndaky açylyş duşuşygynda türkmen ýygyndysy özbegistanly futbolçylardan 0:1 hasabynda ýeňildi.

Ýeri gelende aýtsak, ýurduň 17 ýaşa çenli ýetginjeklerden ybarat bolan futbol ýygyndysyna şu ýyl 40 ýaşly hünärmen Ahmet Allaberdiýew baş tälimçi bellenildi. Ol mundan ozal paýtagtyň «Altyn täç» futbol klubynda işleýärdi. Ýygyndyda baş tälimçä Ahmet Agamyradow, Daýançgylyç Urazow, Aleksandr Sidorow we derwezeçileriň tälimçisi Nariman Garajaýew dagylar ýardam berýär.

Teswirler
Teswir ýazmak üçin içeri giriň ýa-da registrasiýa boluň