Gazagystanyň Hökümet başlygy Olžas Bektenow resmi sapar bilen Täjigistana bardy diýip, «MIR 24» habar berýär.
Täjigstanyň Prezidenti Emomali Rahmon Gazagystanyň Premýer-ministri Betkenowy kabul etdi. Taraplar söwda-ykdysady, energetika we oba hojalyk pudaklarynda hyzmatdaşlygyň geljegini ara alyp maslahatlaşdylar.
Geçen ýyl iki ýurduň arasyndaky haryt dolanyşygy 1 milliard 150 million dollar töweregi boldy. Taraplar şeýle-de bilelikdäki iri senagat taslamalaryny amala aşyrmak barada pikir alyşdylar.