Girmek
5062
Tapgyryň umumy aýratynlyklary:
Her kime birden: Tapgyrda bir duşuşykda 2 gezek tapawutlanyp bilen futbolçy ýok.
Deňlikleriň tapgyry: Tapgyrda 3 duşuşyk deňlik bilen tamamlandy.
Her oýunda 2 gol: Tapgyrda derwezelere 10 pökgi geçirildi.
«Meýdanam, ýeňişem biziňki»: Tapgyrda ýeňişli tamamlanan duşuşyklaryň ikisinde hem ýeňiş ýer eýeleriniň tarapynda boldy.
350-ä ýetip barýar: Şu tapgyrdan soňky 23-nji Milli çempionatymyzda derwezelere jemi 346 gol geçirildi.
«Hazyna» 3 — 0 «Daşoguz»
Gollar:
1:0, Azat Tagandurdyýew 13’
2:0, Gurban Annaýew 53’
3:0, Didar Durdyýew 90’ (pen.)
Bir derwezä 80 gol: Şu tapgyrdaky şowsuzlykdan soň, möwsümde «Daşoguz» toparynyň derwezesine girizilen pökgüleriň umumy sany 80-e çykdy.
20 tapgyrdan soň: Tapgyrdaky dürs ýerine ýetirilen 11 metrlik jerime urgusy Didar Durdyýewiň möwsümdäki 2-nji dürs jerime urgusydyr. Ol birinji gezek 2-nji tapgyrda dürs jerime urgusyny ýerine ýetiripdi.
«Daşoguzdan» möwsümiň täze antirekordy: «Daşoguz» şu möwsümde ilkinji gezek bassyr 8 duşuşykda utuldy. Ýokary ligada şu möwsümde başga bu görkezijini görkezen topar ýok.
«Bizem bar»: Tapgyrda HTTU bilen «Merwiň» utuk ýitirmegi «Hazynanyň» haýryna boldy. Topar indi 6-njy orun ugrundaky bäsdeşlerinden bary-ýogy bir utuk yzda barýar.
Üç duşuşykdan soň: «Hazyna» 8 – 2 «Daşoguz»
«Ahal» 2 — 2 HTTU
Gollar:
1:0, Altymyrat Annadurdyýew 7’
1:1, Wezirgeldi Ylýasow 28’
1:2, Begenç Seýitmämmedow 74’
2:2, Mihail Titow 90’.
Wezirgeldiniň ilkinji goly: HTTU-nyň merkezi ýarym goragçysy Wezirgeldi Ylýasow şu möwsümde ilkinji goluny geçirdi.
«Ahal» bir ädim öňde: Tapgyrda «Balkanyň» «Altyn asyrdan» utulmagy bilen «Ahal» 2-nji orun ugrundaky göreşde bir ädim öňe saýlandy.
Myhmançylykda 20 gol: Şu tapgyrdan soňra HTTU myhmançylykda 20 we ondan kän gol geçirden 4-nji topar boldy.
«Ahal» hem 10-dan geçdi: Şu tapgyrdan soňra «Ahal» öz meýdanynda 10 we ondan kän gol geçirden 7-nji topar boldy.
Üç duşuşykdan soň: «Ahal» 5 – 5 HTTU
«Altyn asyr» 1 — 0 «Balkan»
Gol:
1:0, Serdar Annaorazow
Serdaryň ilkinjileri: Serdar Annaorazowyň şu duşuşykda geçiren goly duşuşygyň ilkinji (we iň soňky), özüniň möwsümdäki ilkinji, «Altyn asyryň» düzümindäki ilkinji goludyr.
Ýeňişleriň arasy üzüldi: «Balkan» bassyr 4 duşuşykda ýeňiş gazanansoň, ahyr utulyş bilen hem didarlaşmaly boldy.
Ýeňiş tapgyry dowam edýär: «Altyn asyr» bassyr 3-nji ýeňşini gazandy.
Üç duşuşykdan soň: «Altyn asyr» 6 – 2 «Balkan»
«Energetik» 0 — 0 «Aşgabat»
Ýeňşe barabar deňlik: Bassyr 6 tapgyr bäri ýeňlip gelýän «Energetik» üçin bu tapgyrdaky deňligiň hem gymmaty uludyr.
«Aşgabadyň» duşuşyklarynda ilkinji «sessizlik»: Şu ýyl «Aşgabadyň» geçiren duşuşyklarynda ilkinji gezek hasap açylmady
Üç duşuşykdan soň: «Energetik» 2 – 6 «Aşgabat».
«Şagadam» 1 — 1 «Merw»
Gollar:
0:1, Arslan Ýusubow 2’
1:1, Gahrymanberdi Çoňkaýew 74’.
Ikinji minutda ilkinji gol: Arslan Ýusubowyň «Şagadam» özüni dürsäp ýetişmänkä geçiren bu goly diňe bir duşuşygyň däl, futbolçynyň özüniň hem möwsümdäki ilkinji goludyr.
«Şagadam» dört 10-y arka atdy: Şu tapgyrdan soň «Şagadam» möwsümde 40 we ondan kän gol geçiren dördünji topar boldy.
Hatara goşuldy: Arslan Ýusubowyň goly bilen «Merw» möwsümde myhmançylykda 10 we ondan kän gol geçiren 8-nji topar boldy.
Üç duşuşykdan soň: «Şagadam» 3 – 2 «Merw».
