Baharyň dünýäňe ýylylyk çaýýan maýyl günleri eýýäm bosagada dur. Bu nämäniň alamaty?! Bir tarapdan, bu — beden keşbiňi kadalaşdyrmagyň zerurdygyny hem aňladýan bolsa gerek.
Seniň artykmaç agramyňdan dynmak, myşsalaryňy çekdirmek ýa-da özüňi duýşuňy sazlaşdyrmak isleýändigiň düşnükli, hut şonuň üçinem bu makalada göz öňünde tutýan netijeleriňi gazanmagyňa ýardam etjek iň degerli maslahatlary topladyk.
Iýmit meýilnamaňyzy düzüň
Edil şu meselede öňüňde maksat goýan bolsaň, hökmany iýmitiňe üns bermeli. Sebäbi ol esasy hyzmaty ýerine ýetirýär. Iýmit rasionyň täsirine düşünmezden bedeniňi gözelleşdirmäge synanyşyk etmek, onda-da günsaýyn golaýlap gelýän tomusa çenli oňyn netije gazanjak bolmak biderekdir. Şunda açlyk tutmak ýa-da monoberhizlik — horlanmagyň täsirsiz we zyýan getirip biljek usulydyr. Dogry rasionyň esasynda bolsa — köpdürli iýmitlenmek hem-de kiçijik möçberde iýmitlenmek ýörelgeleri durýandyr.
Ýeterlik derejede agram taşlamak isleýänlere bolsa dietologlar kaloriýalary defisit etmegi (10-15%) maslahat berýärler. Bu bolsa siziň ýakýan kaloriýaňyzdan az derejede kaloriýa sarp etmelidigiňizi aňladýar.
Kadalaşdyrylan iýmit rasionyny düzmek üçin bolsa hökmany dietologa ýüz tutmalydyr.
Suw içiň
Ir säheri bir bulgur arassa suw içmek bilen başlamak maslahat berilýär. Şeýle hem günortanlyk we agşamlyk naharyndan öň bir bulgur suw içmek peýdalydyr. Bu artykmaç iýmitlenmezlige kömek edýär.
Açlygyň köplenç suwa teşnelik bilen ýerini çalyşýarys.
Sport bilen meşgullanmaga başlaň
Kadaly bedene eýe bolmak isleýärsiňiz-de, ýöne sport zalyna gitmegi göwnejaý hasaplamaýarsyňyzmy? Umytdan düşmäň! Göwnüňize laýyk bedenterbiýe maşkyny tapmaga synanyşyň: tans, ýoga, suwda ýüzmek we ş.m. Şeýlelik bilen, sport bilen meşgullanmak sizi ýadadýan zada däl-de, şatlygyň we güýjüň çeşmesine öwrüler.
Mundan başga-da, öýden çykmazdan türgenleşmegiň köp usuly bardyr. Bulara ertirki maşklar, şeýle hem plankalar, oturyp-turmak, adaty täsirli maşklar degişlidir.
Gündelik durmuşyňyzda has köp hereket ediň! Lifti ýatdan çykaryň: basgançakda ýokaryk münüp-düşmek kardio maşklarydyr. Ýa-da köpçülikleýin ulaglarda bir-iki duralga gitmegiň ýerine bu ýoly ýöräp geçjek boluň.
Kiçijik hereketlerden başlaň we ýuwaş-ýuwaşdan ýüküňizi artdyryň.
Süýji zatdan we gazly suwdan gaça duruň
Kadasyz iýmitlenmek endiklerinden ýüz öwürmezden, näziklige we saglyga barýan ýoly geçmek mümkin däl. Süýji zatlar we gazlandyrylan içgiler düzüminde köp mukdarda kaloriýa hem-de şeker saklaýar, olar artykmaç agram hökmünde aňsatlyk bilen saklanýar. Mundan başga-da, kem-kem öwrenişýärler.
Beýle diýilse, süýjüden düýbünden el çekmeli hem däl. Dükandan satyn alnan süýjüleriň ýerine, özüňizi kadaly möçberde guradylan miweler, gara şokolad we bal bilen kanagatlandyryp bilersiňiz.
Hyjuwyňyza eýeriň
Sagdyn iýmitlenmek ýa-da maşk etmek endikleri hemişe göwnüňizden turup durmaz. Olar iru-giç ýüregiňize düşer, ýadadar. Şeýle ýagdaýda bolsa özüňi hyjuwda saklamagyň ýollaryny tapmak möhümdir.
Siz şulary edip bilersiňiz:
- özüňe hakyky maksatlary kesgitlemek;
- özüňe bile türgenleşmäge hyzmatdaşy tapmak;
- gazananlaryň üçin özüňi sylaglamak.
Tomusa çenli kadaly keşbi gazanmak — edip bolmajak zat däl. Mundan iň möhüm işiň başlamakdygyny ýadyňyzdan çykarmaň. Munuň üçin laýyk boljak pursata garaşmaň, şu günden başlaň!
Peýdalanylan çeşmeler: thesymbol.ru; thevoicemag.ru; lisa.ru
Şeýle-de okaň:
